Friday, January 6, 2017

Biskotat e Krishtlindjes (snowballs)

Mirësejugjeta për këtë vit. Pas betejës së Vitit të Ri, të gjithë nuk duam të futemi në kuzhinë për të paktën një javë. Ndaj dhe receta që do ju sjell sot e kam gatuar natën e Vitit të Ri. Ditët në vijim, si në çdo familje tjetër, kemi ngrënë ato që kanë mbetur dhe sot më në fund kishim grosh :).

Pas ditëve të Vitit të Ri, mezi mësohemi me ritmet në shtëpi dhe në punë. Fillojmë bëjmë përmbledhjen e gjërave që gatuam, përgatitëm, dhuratat dhe betohemi që vitin tjetër do harxhojmë më pak, nuk do shpërdorojmë dhe nuk do e lodhim shumë veten. Kështu u betova dhe këtë vit, si çdo vit :).

Biskotat qe do ju prezantoj sot, janë pak a shumë version i kurabijes tonë, por me fruta të thata dhe vetëm me sheqer pluhur brenda dhe jashtë. Këto janë biskota shumë të mira si shoqëruese të kafësë, çajit apo kur ju vijnë mikesha në shtëpi, përgatitën shumë lehtë, piqen po kaq shpejt dhe bëjnë figurë shumë të mirë.

Përbërësit

200 gr gjalp brumë në temperaturë ambjenti

100 gr fruta të thata (arra, bajame)

250-300 gr miell

70 gr sheqer pluhur brenda biskotave
1 lugë gjelle niseshte

1 majë lugë kripë

1 majë luge sodë buke

Sheqer pluhur për të lyer biskotat

Përgatitja

Që të fillojnë të përgatisim brumin e biskotave, duhet që gjalpi të jetë i butë aq sa të punohet me miellin dhe sheqerin. Shtojmë sheqerin tek gjalpi dhe punojmë për 2-3 minuta. Hedhim kripën, sodën, niseshten (i mban biskotat më të buta) dhe miellin dhe punojmë e mbledhim me dorë. Do shikoni që brumi do mblidhet menjëherë e do ju lëjë duart e pastra. Shtojmë frutat e thata të cilat i kemi copëtuar dhe pjekur (jo domosdoshmërisht duhet t'i pjekim) më parë në një tigan që nuk ngjit. Fotot për të përshkruar paragrafin më sipër janë vetëm dy, pasi ka qenë dita e vitit të ri dhe më dolën nga mendja t’i bëja foto çdo proçesi :).